18 ёшли вингер Карим Алайбегович бирданига учта клубнинг диққат марказига тушди. Бу ҳақда Sky Sport журналисти Бен Хекнер маълум қилди.
Манбага кўра, футболчига "Порту", "Манчестер Юнайтед" ва "Челси" кўз тиккан. Босния ва Герцеговина терма жамоаси сафида дебют қилган 18 ёшли футболчи Сан-Маринога қарши ўйинда (6:0) иштирок этиб, "аждарлар" тарихидаги энг ёш гол муаллифига айланди.
Ҳозирда Алайбегович Австриянинг "Ред Булл Зальцбург" клуби шарафини ҳимоя қилмоқда. Барча турнирларда 20 та ўйинда у 6 та гол урди ва 1 та голли узатмани амалга оширди. Transfermarkt портали боснияликнинг нархини 5 миллион еврога баҳоламоқда.
