Англия Премьер-лигасида тўққизинчи турнинг энг яхши футболчиси аниқланди. Овоз бериш жараёнида "Манчестер Юнайтед" ҳужумчиси Брайан Мбеумо ғолиб бўлди. У "Брайтон"га қарши ўйинда дубль қайд этди. "Қизил иблислар" ўз майдонида 4:2 ҳисобида ғалаба қозонди.
Айтиш керакки, Англия чемпионати 8-турининг энг яхши футболчиси ҳам "Манчестер Юнайтед" вакили - ҳимоячи Харри Магуайр бўлганди.
"Манчестер Юнайтед" Премьер-лига турнир жадвалида олтинчи ўринда бормоқда.
Англия чемпионатининг навбатдаги турида "қизил иблислар" сафарда "Ноттингем Форест"га қарши баҳс олиб боради.
