"Крузейро" марказий ҳужумчиси Кайо Жоржега Санкт-Петербургнинг "Зенит" клуби қизиқиш билдирмоқда. Бу ҳақда журналист Экрем Конур хабар бермоқда.
Манбага кўра, Россия клуби Жорже учун 15 миллион евролик таклиф тайёрламоқда. Шунингдек, Леверкузеннинг "Байер" клуби ҳам худди шундай таклифни амалга оширишни режалаштираётгани айтилмоқда. Бироқ, "Крузейро" 25-30 миллион евродан пастроқ таклиф олса, ҳужумчини сотиш бўйича музокара ўтказмоқчи эмас.
Жорий календарь йилида 23 ёшли Жорже барча турнирларда 38 та ўйинда майдонга тушиб, 20 та гол урган. Бундан ташқари, ҳужумчи ҳисобида еттита ассист мавжуд.
