"Kruzeyro" markaziy hujumchisi Kayo Jorjega Sankt-Peterburgning "Zenit" klubi qiziqish bildirmoqda. Bu haqda jurnalist Ekrem Konur xabar bermoqda.

Manbaga ko‘ra, Rossiya klubi Jorje uchun 15 million yevrolik taklif tayyorlamoqda. Shuningdek, Leverkuzenning "Bayer" klubi ham xuddi shunday taklifni amalga oshirishni rejalashtirayotgani aytilmoqda. Biroq, "Kruzeyro" 25-30 million yevrodan pastroq taklif olsa, hujumchini sotish bo‘yicha muzokara o‘tkazmoqchi emas.

Joriy kalendar yilida 23 yoshli Jorje barcha turnirlarda 38 ta o‘yinda maydonga tushib, 20 ta gol urgan. Bundan tashqari, hujumchi hisobida yettita assist mavjud.