"Ювентус"нинг янги бош мураббийи "Зенит" ва Италия терма жамоасининг собиқ устози Лучано Спаллетти бўлади.
Манбага кўра, Лучано Спаллетти "Ювентус"ни бошқаришга рози бўлган. Журналистларнинг маълум қилишича, томонлар Чемпионлар лигасига йўлланма олган тақдирда шартномани 2026 йилнинг июнигача узайтириш имконияти билан оғзаки келишувга эришган.
Айни пайтда ҳужжатлар юристлар томонидан текширилмоқда, шундан сўнг барча қоғозлар имзоланади.
Аввалроқ, "Ювентус" янги мавсум бошида муваффақиятсизликка учраган Игор Тудорни истеъфога чиқарган эди. Туринликлар 8 турдан сўнг 12 очко билан А Серияда 8-ўринда бормоқда.
