Мадриднинг "Реал" клуби қишки трансферлар вақтида ҳужумчи Эндрикни ижарага бериш бўйича таклифларни кўриб чиқишга тайёр.
19 ёшли футболчи Хаби Алонсо даврида майдонга тушмаяпти, шунинг учун клуб бразилиялик футболчи бошқа жамоада тажриба орттириши керак, деган қарорга келди. Шундай бўлса-да, TEAMtalk хабарига кўра, "қаймоқранглилар" раҳбарияти январь ойида Эндрикнинг ижарага олинишини фақат истовчилар келишув учун товон пулидан ташқари форварднинг барча маошини тўлашга рози бўлган тақдирдагина маъқуллайди.
Эндрикка "Астон Вилла," "Вест Ҳэм" ва "Брайтон" клублари қизиқиш билдирмоқда, "чайкалар" эса истиқболли футболчининг тўлақонли трансферини амалга оширмоқчи.
