Лионель Месси "Интер Майами"да порлашда давом этмоқда. 38 ёшли аргентиналик MLS мунтазам чемпионатининг энг яхши тўпурари бўлди, шунингдек, турнирнинг энг яхши футболчиси деб топилди.
"Мен ҳеч қачон гол уришдан зерикмайман - бу менга ёқади. Рақобат қилишни, ғалаба қозонишни, жамоага ёрдам беришни яхши кўраман. Майдонда эканман, ҳар доим турли йўллар билан имкон қадар кўпроқ фойда келтиришга ҳаракат қиламан", - дейди саккиз карра "Олтин тўп" соҳиби.
2 ноябрь, якшанба куни "Интер Майами" плей-оффнинг 1-босқич жавоб учрашувини "Нешвилл"га қарши ўтказади.
