"Ювентус" ҳужумчиси Душан Влахович яна бир бор келажаги ҳақида гапирди. Чоршанба куни сербиялик футболчи "кекса синьора"га "Удинезе"ни (3:1) мағлуб этишга ёрдам берди ва учрашувнинг 5-дақиқасида пенальтини аниқ амалга оширди.
"Келажакда нима бўлишини билмайман, лекин ҳеч қачон ҳеч қачон демайман. Диққат-эътиборимни ҳозирги кунга қаратаман. Ҳозирги вазиятни ҳисобга олсак, келажак ҳақида гапиришдан маъно йўқ. Камроқ гапириб, кўпроқ иш қилишимиз керак. Ҳаракатлар сўзлардан кўра баландроқ гапиради. Бизнинг вазифамиз - ўйинни яхшилаш ва мен бор эътиборимни шунга қаратаман", - деди 25 ёшли форвард ўйиндан кейинги интервьюсида.
Эслатиб ўтамиз, Влаховичнинг "Ювентус" билан амалдаги шартномаси 2026 йилнинг ёзига қадар имзоланган. Кўплаб миш-мишларга кўра, футболчи шартномани узайтиришни режалаштирмаяпти.
