Венсан Компани "Бавария" бутун мавсум муваффақиятли ўйнай оладими, деган саволга жавоб берди.
Мюнхен клуби Германия кубоги баҳсида "Кёлн"ни мағлуб этди (4:1) ва мавсум бошидан бери барча 14 ўйинда ғалаба қозонди.
- Бундай ўйин услуби охир-оқибат куйишга олиб келишидан қўрқмайсизми?
"Ҳар кимнинг ўз тажрибаси бор. Шахсан ўзим шундай ҳолатни бошдан кечирдим. Икки мавсум давомида биз "Манчестер Сити" билан 198 очко тўпладик ва ҳар биримиз максимал даражада ўйнадик. Кимдир уддалайди, кимдир йўқ.
Мен учун энг муҳими - жамоа таркибидан оқилона фойдаланиш ва ҳар бир футболчининг ўйин вақтини ҳисобга олиш.
Жамал Мусиала, Альфонсо Дэвис ва Хироки Ито қайтганидан кейин ҳам темп пасаймайди", - деди "Бавария" бош мураббийи Венсан Компани.
