Баҳрайн Қироллиги мезбонлик қилаётган III Осиё ўсмирлар ўйинлари ниҳоясига етмоқда. Мусобақанинг сўнгги босқичида барча спорт турлари бўйича ғолиб ва совриндорлар аниқланмоқда.

Бугун совриндорларни аниқлаш навбати футзал турига етиб келди — дастлаб бронза медали эгалари номи маълум бўлади, шундан сўнг финал учрашуви ўтказилади.

Ўзбекистон ўсмирлар терма жамоаси бугун, Тошкент вақти билан соат 18:00 да, 3-ўрин учун баҳсда Таиланд терма жамоасига қарши майдонга тушади. Ярим финалда таиландликлар Афғонистон жамоасига 1:9 ҳисобида имкониятни бой берган эди.

Бронза медали учун курашда жамоаларнинг имкониятлари деярли тенг. Ким ҳимояда ишончли ўйин кўрсатиб, ҳужумда яратилган имкониятлардан унумли фойдаланса, ўз мақсадига эришади.

Ўзбекистон ўсмирларига бугунги баҳсда омад ва ғалаба тилаймиз!

Эслатма: Осиё ўсмирлар ўйинларида совриндор бўлган жамоалар 2026 йилда Сенегал пойтахти Дакар шаҳрида бўлиб ўтадиган IV Ёшлар Ёзги Олимпиадасига йўлланмани қўлга киритишади.