Мадриднинг "Реал" клубида даҳшатли жароҳатлар серияси давом этмоқда. Бир неча кун олдин тахминан уч ойга сафдан чиққан ҳимоячи Даниэль Карвахал яна жароҳат олди.
Испаниянинг Marca нашри ҳисоб-китобларига кўра, сўнгги уч мавсумда "Реал" футболчилари 109 хил жароҳат олган. Қайд этилишича, улардан 47 нафари ҳимоячиларга тўғри келган. Бу даврда "Реал"нинг 14 нафар ҳимоячисидан 13 нафари жароҳат олган. Улар жами 2406 кунни ўтказиб юборишган.
Ўн турдан сўнг "қаймоқранглилар" Испания чемпионати турнир жадвалида пешқадамлик қилмоқда. Кейинги турда Хаби Алонсо шогирдлари "Валенсия"ни қабул қилади. Ўйин 1 ноябрь куни бўлиб ўтади.













