Ярим ҳимоячи Кевин де Брюйне ўтган дам олиш кунлари "Интер" дарвозасига пенальти тепаётган вақтида жиддий жароҳат олди. Бельгиялик футболчи операцияни муваффақиятли ўтказди, бу ҳақда бир кун аввал "Наполи" хабар берди.
The Sun нашрининг ёзишича, де Брюйне атрофидагилар унинг жароҳатидан тикланиши чўзилиб кетиши ва футболчи Бельгия терма жамоаси сафида 2026 йилги жаҳон чемпионатида ўйнай олмаслигидан хавотирда.
Аввалроқ, де Брюйненинг тикланиши тахминан 4 ой давом этиши, яъни хавбек баҳорга яқин сафга қайтиши ҳақида хабарлар тарқалган эди.
"Наполи" Италия чемпионати турнир жадвалида пешқадамлик қилмоқда.
