"Ливерпуль" чоршанба куни яна мухлисларини ранжитди. Арне Слот жамоаси 1/8 финалда ўз майдонида "Кристал Пэлас"га 0:3 ҳисобида имкониятни бой бериб, Лига кубогини тарк этди. Шу тариқа, барча мусобақалардаги сўнгги етти ўйинда "қизиллар" олтита мағлубиятга учради.
Goal порталининг BBC ва бир неча журналистларга таяниб хабар беришича, "Ливерпуль" Слот билан хайрлашишни режалаштирмаяпти. Яқин келажакда "қизиллар" нидерландиялик мутахассисни истеъфога чиқариши эҳтимоли йўқ.
"Ливерпуль" босслари Слотга "тўлиқ ишонишмоқда" ва нидерландиялик мураббий вазиятни ўнглашига ишонишмоқда.
"Ливерпуль" навбатдаги учрашувни 1 ноябрь куни ўз майдонида "Астон Вилла"га қарши ўтказади.
