Дортмунднинг "Боруссия" клуби Германия чемпионатининг жума кунги баҳсида "Аугсбург" устидан минимал ҳисобда ғалаба қозонди.
37-дақиқада Серу Гирасси томонидан киритилган гол "асаларилар"га 3 очко келтирди. Нико Ковач жамоаси Бундеслиганинг жорий мавсумидаги тўққизта турдан сўнг олтинчи марта ўз дарвозаси дахлсизлигини сақлаб қолди - бу "Арсенал" билан бир қаторда Европанинг бешта етакчи чемпионатидаги энг яхши кўрсаткич, дея хабар беради Opta. Шу билан бирга, дортмундликлар олтита, "канонирлар" эса атиги учта тўп ўтказиб юборди.
Эътиборлиси, "Боруссия" шу пайтга қадар Германия олий дивизионидаги тўққизта бошланғич ўйинидан олтитасида ўз дарвозаси дахлсизлигини сақлай олмаганди.













