"Реал" ҳужумчиси Килиан Мбаппе октябрь ойи якунларига кўра Испания чемпионатининг энг яхши футболчисига айланди, дея хабар бермоқда турнир матбуот хизмати.
Октябрь ойида 26 ёшли француз учта ўйинда майдонга тушиб, учта гол ва битта голли узатмани амалга оширди.
Мбаппе сентябрь ойида ҳам Ла Лиганинг энг яхши футболчиси деб топилганди. Ўша ойда у тўртта ўйинда бешта гол урди ва битта голли узатмани амалга оширди.
Мбаппе "Реал" сафида 2024 йилдан буён тўп тепиб келмоқда. У "қаймоқранглилар" сафида барча мусобақаларда жами 72 та ўйин ўтказиб, 60 та гол ва 7 та голли узатмани амалга оширган. Футболчининг испан клуби билан шартномаси 2029 йилнинг июнигача мўлжалланган.
