"Ливерпуль" устози Арне Слот жамоанинг таркиб сифатига юқори баҳо берди.
"Менга энг катта ишончни футболчиларимизнинг сифати ва улар яратишда давом этаётган вазиятлар сони беради. Бу охир-оқибат бизни ҳозиргидан кўпроқ гол ура бошлашимизга олиб келиши муқаррар.
Таркибни яхшилаш кераклиги ҳақида гапира бошласам, одамлар баҳона қидираётганимни айтишади. Аммо мен шунчаки устида ишлаш керак бўлган нарсалар борлигини айтаман. Шу билан бирга, кўплаб ижобий жиҳатлар ҳам бор," - деди Слот матбуот анжуманида.
Ноябрь ойининг илк оқшомида "Ливерпуль" Англия чемпионати доирасида "Астон Вилла"га қарши уй учрашувини ўтказади.
"Ливерпуль" аввалги етти ўйиннинг олтитасида мағлуб бўлган.
