Хаби Алонсо Испания чемпионатининг "Валенсия"га қарши уй учрашуви олдидан журналистлар билан суҳбатлашди. Алонсодан кўп юлдузлардан иборат жамоани қандай бошқараётгани ҳақида сўрашди.

"Шунчаки ўзлигимча қоламан. Самимий бўлиш керак. Футболчилар билан ҳалол ва тўғридан-тўғри муносабатлар ўрнатаман, ҳар бирининг вазифасини тушунаман ва ҳар доим жамоа манфаатини ўйлайман. Жамоани ҳурмат муҳитида бошқариш, талабларни сақлаб қолиш, лекин ҳамма ҳар хил эканлигини тушуниш керак. Ҳар бир ўйинчига мослашиш учун ҳиссий интеллектга эга бўлиш керак, аммо ўз позициянгизни сақлаб қолиш керак," - деди Алонсо журналистларга.

Эслатиб ўтамиз, "Реал" ўтган турда ўз майдонида "Барселона"ни 2:1 ҳисобида мағлуб этган эди.