"Челси" ҳужумчиси Лиам Делап яқинда майдондан четлатилгани учун жамоадан узр сўради, деб хабар беради The Athletic нашри, "Челси" бош мураббийи Энцо Марескага таяниб.
Делап Англия Лига Кубоги 1/8 финал босқичи доирасида "Вулверхэмптон"га (4:3) қарши ўйинда иккинчи бўлимда захирадан майдонга тушганидан кейин етти дақиқа ичида иккита сариқ карточка олди.
"У ўйиндан сўнг дарҳол кийиниш хонасидаги барчадан узр сўради. Мен Лиам билан гаплашдим. У хато қилганини билади. Нуқта.
Бошқа ҳеч нарса йўқ", деди Мареска матбуот анжуманида футболчи билан ҳеч қандай келишмовчилиги йўқлигини аниқ айтган ҳолда.
