"РБ Лейпциг" клуби бош мураббийи Оле Вернер "Штутгарт"га қарши учрашув борасидаги фикрлари билан ўртоқлашди. Турнир жадвалидаги қўшниларнинг учрашуви 1 ноябрь куни Бундеслиганинг 9-тури доирасида бўлиб ўтади.

"Бу тенг ўйин бўлади. Ҳар иккала жамоа ҳам ҳужумкор футбол намойиш этиб, тўпни дарвозага критишга интилиши билан ажралиб туради. Шу билан бирга, биз ва "Штутгарт" яхши ҳимояланяпмиз. Бундай учрашувда майда-чуйда нарсалар аҳамиятга эга бўлади. Иккала жамоа ҳам ҳозир яхши формада - бу ҳақиқий етакчилар тўқнашуви," - дея Вернернинг сўзларини келтиради Onefootball.

"Биз учун рақиб босими остида хатога йўл қўймаслик ва тўғри ечим топиш муҳим. 90 дақиқа давомида диққатимизни жамлашимиз керак," - дея қўшимча қилди мураббий.

"РБ Лейпциг" очколарини 19 тага етказиб, чемпионатда учинчи ўринда бормоқда. "Штутгарт" ҳисобида 18 очко ва тўртинчи ўрин бор.