"Манчестер Сити" дарвозабони Жанлуижи Доннарумма клуб билан шартнома имзолашдан олдин Марио Балотелли билан маслаҳатлашганини эслади.
"Шаҳарликлар" италиялик дарвозабонни сентябрь ойи бошида "ПСЖ"дан сотиб олган эди.
"Мариони Италия терма жамоаси орқали биламан ва у менга "Манчестер Сити"га ўтишни маслаҳат берди, бу ажойиб клуб эканини айтди. Аслида, мен билан мулоқотда бўлган жамоанинг барча собиқ футболчилари фақат ижобий фикр билдиришган. Бу фақат танловни осонлаштирди. Умид қиламанки, мен бу ерда кўп йилларни ўтказаман ва тарихнинг бир қисмига айланаман," - дея Доннарумманинг сўзларини келтиради City Report.
Марио Балотелли 2010 йил ёзидан 2013 йил бошигача "Манчестер Сити"да ўйнаган.
