"Manchester Siti" darvozaboni Janluiji Donnarumma klub bilan shartnoma imzolashdan oldin Mario Balotelli bilan maslahatlashganini esladi.
"Shaharliklar" italiyalik darvozabonni sentyabr oyi boshida "PSJ"dan sotib olgan edi.
"Marioni Italiya terma jamoasi orqali bilaman va u menga "Manchester Siti"ga o‘tishni maslahat berdi, bu ajoyib klub ekanini aytdi. Aslida, men bilan muloqotda bo‘lgan jamoaning barcha sobiq futbolchilari faqat ijobiy fikr bildirishgan. Bu faqat tanlovni osonlashtirdi. Umid qilamanki, men bu yerda ko‘p yillarni o‘tkazaman va tarixning bir qismiga aylanaman," - deya Donnarummaning so‘zlarini keltiradi City Report.
Mario Balotelli 2010 yil yozidan 2013 yil boshigacha "Manchester Siti"da o‘ynagan.













