Мадриднинг "Атлетико" клуби бош мураббийи Диего Симеоне "Севилья"га қарши ўйинга бағишланган матбуот анжуманида иштирок этди.

Эслатиб ўтамиз, Ла Лиганинг 11-тур учрашуви 1 ноябрь куни бўлиб ўтади ва Тошкент вақти билан 20:15 да бошланади.

"Бизга ҳамма формада бўлиши керак. Сешанба куни яна ўйнаймиз, кейин ноябрь ва декабрь ойларида кетма-кет 9 та ўйин ўтказамиз. Биз эртанги кун ҳақида, кучли, мураккаб, бутун майдон бўйлаб ақл бовар қилмайдиган босим уюштирадиган рақиб ҳақида ўйлаяпмиз", - дея Симеоненинг сўзларини келтиради Into the Calderon портали.

Тактикадаги мумкин бўлган ўзгаришлар ҳақида гапирар экан, Симеоне қуйидагиларни таъкидлади:

"Ўйин рақибнинг қандай ҳаракат қилишига қараб сизни турли жойлашувларга олиб келиши мумкин. "Бетис" билан 4-3-3, 4-5-1 ва 4-4-2 тактикаларида ўйнадик".

"Атлетико" 19 очко билан мусобақа жадвалида тўртинчи ўринда бормоқда. "Севилья" 13 очко билан 11-поғонага жойлашган.