"Барселона" бош мураббийи Ханс-Дитер Флик Ла Лиганинг якшанба кунги "Эльче"га қарши ўйини олдидан Ламин Ямалнинг ҳолати ҳақида гапирди.
18 ёшли футболчи яқинда жароҳатини даволаб сафга қайтган бўлса-да, ҳамон чов соҳасида ноқулайлик сезмоқда.
"Ламиннинг ҳозир аҳволи яхши, у яхши спорт формасида. Албатта, оғриқ сезган кунлари ҳам бўлади, лекин аҳволи яхшиланиши учун қўлидан келганча ҳаракат қилади. Ўйлайманки, сўнгги пайтларда бироз силжиш бўлди. Бу борада ҳозирча айтишим мумкин бўлган гап шу," - деди Флик ўйиндан олдинги матбуот анжуманида.
"Барселона"нинг "Эльче"га қарши учрашуви Тошкент вақти билан 22:30да бошланади.
