"Барселона" бош мураббийи Ханс-Дитер Флик Ламин Ямал ҳақидаги саволга жавоб берди.
"Кўк-анорранглилар"нинг 18 ёшли юлдузининг ўйинлари сўнгги пайтларда иккинчи даражага тушиб қолди: матбуотда кўпроқ футболчи билан боғлиқ шов-шувли воқеалар, унинг шахсий ҳаёти ва жорий мавсумда тинчлик бермаётган жароҳати муҳокама қилинмоқда.
"Мен Ламин билан гаплашдим. Иккаламиз ҳам бир-биримизга ниҳоятда тўғри муносабатда эдик. Мен уни доимо ҳимоя қиламан ва қўллаб-қувватлайман. У ҳали жуда ёш," - деди Флик матбуот анжуманида.
Якшанба куни "Барселона" Ла Лига доирасида "Эльче"га қарши баҳс олиб боради. Каталония гранди ўтган турда "Сантьяго Бернабеу"да Мадриднинг "Реал" клубига имкониятни бой бериб қўйганди (1:2).
