"Барселона" бош мураббийи Ханс-Дитер Флик Мадриднинг "Реал" клубига қарши кечган ва 1:2 ҳисобидаги мағлубият билан якунланган ўйин ҳақидаги саволга жавоб қайтарди.
Германиялик мураббий ўйинни "Сантьяго Бернабеу" трибунасидан кузатишга мажбур бўлди - у аввалги учрашувда четлатилгани учун дисквалификация муддатини ўтаётганди.
"Мен буни эслашни хоҳламайман, бу энг яхши тажриба эмас. Ойна ортида туриш унчалик ёқимли эмас эди. Келажакда бундай ҳолат такрорланмаслиги учун ўз устимда ишлашим керак," - деди Флик матбуот анжуманида.
"Барселона" Ла Лиганинг 10-туридан кейин "Реал"дан 5 очко ортда қолмоқда. Якшанба куни "кўк-анорранглилар" "Эльче"га қарши баҳс олиб боради.
