Мадриднинг «Реал» клуби собиқ футболчиси Предраг Миятович жамоанинг марказий ҳужумчиси Килиан Мбаппенинг жорий мавсумдаги ўйинини юқори баҳолади.

«Бу — ҳақиқатан ҳам ажойиб. Мавсум бошида унда айрим қийинчиликлар бўлган, аммо у ўз ритмини топди. Ачинарлиси, у 2025 йили биронта жамоавий соврин юта олмади, аммо бу мавсум бундан фарқли бўлади», — дея Миятовичнинг сўзларини Cadena SER келтирган.

Мутахассиснинг қўшимча қилишича, франциялик футболчи марказий ярим ҳимоячи Арда Гюлер билан яхши тандем ҳосил қилган.

Жорий мавсумда Мбаппе Хаби Алонсо жамоаси сафида 14 та ўйинда майдонга тушиб, 18 та гол урди ва 2 та голли узатма берди. «Реал» ҳозир Ла Лигада 30 очко билан биринчи ўринни эгаллаб турибди.