Madridning «Real» klubi sobiq futbolchisi Predrag Miyatovich jamoaning markaziy hujumchisi Kilian Mbappening joriy mavsumdagi o‘yinini yuqori baholadi.

«Bu — haqiqatan ham ajoyib. Mavsum boshida unda ayrim qiyinchiliklar bo‘lgan, ammo u o‘z ritmini topdi. Achinarlisi, u 2025 yili bironta jamoaviy sovrin yuta olmadi, ammo bu mavsum bundan farqli bo‘ladi», — deya Miyatovichning so‘zlarini Cadena SER keltirgan.

Mutaxassisning qo‘shimcha qilishicha, fransiyalik futbolchi markaziy yarim himoyachi Arda Gyuler bilan yaxshi tandem hosil qilgan.

Joriy mavsumda Mbappe Xabi Alonso jamoasi safida 14 ta o‘yinda maydonga tushib, 18 ta gol urdi va 2 ta golli uzatma berdi. «Real» hozir La Ligada 30 ochko bilan birinchi o‘rinni egallab turibdi.