Махачқальанинг "Анжи" клуби "Ньюкасл" ҳужумчиси Паписс Сиссега қизиқиб, уни ҳарид қилиш ҳаракатига тушган.
Эслатиб ўтамиз, футболчи ўз либосида клуб титул-ҳомийсининг рамзи бўлишини истамай жанжал чиқарган ва клубдан кетиб қолганди. Ислом динига сиғинувчи сенегаллик ҳужумчи унинг эътиқоди Wonga компаниясини реклама қилишга йўл бермаслигини таъкидлаган. Маълумот ўрнида айтиш жоиз, ушбу компания қарз бериш ва шу каби молиявий операциялар билан шуғулланади.
Махачқальа клуби Сиссе учун 10 миллион фунт беришга тайёр.
Аввалроқ африкаликка "Анжи"га ўтиш унчалик ёқмаётгани, у Англияда қолишни ва "Ньюкасл" билан шартномасини узайтириши хабар қилинганди. Унинг амалдаги келишуви 2017 йил ёзигача мўлжалланган.
Ўтган мавсумда Сиссе Англия чемпионатида 36 ўйинда майдонга тушиб, 8та гол урган.