«Манчестер Сити» бош мураббийи Хосеп Гвардиола «Борнмут» устидан 3:1 ҳисобида қозонилган ғалабадан сўнг Эрлинг Холанднинг ўйини ҳақида фикр билдирди.

Норвегиялик ҳужумчи учрашув қаҳрамонларидан бирига айланди — у рақиб дарвозасини 17- ва 33-дақиқаларда ишғол этди.

«Биз Эрлинг учун имкониятларни иложи борича кўпроқ яратишимиз керак, унга тўпни етказиб бериш муҳим. Биз жуда омадлимиз — у нафақат зўр футболчи, балки жуда меҳрибон ва самимий инсон ҳам. У ҳали ҳам ўз устида ишлаяпти ва янада кучаймоқда. Уни статистикаси эса — ҳақиқатан ҳам ҳайратланарли», — дея Гвардиоланинг сўзларини келтирган BBC нашри.

Эрлинг Холанд Англия Премьер-лигаси бомбардирлар пойгасида 10 ўйинда 13 та гол билан ишончли тарзда етакчилик қилмоқда — у энг яқин таъқибчисидан етти голга олдинда.