«Барселона» футболчиси Маркус Рэшфорд «Эльче»га қарши Ла Лиганинг 3:1 ҳисобидаги ғалабасидан сўнг ўз фикрларини билдирди. Англиялик вингер бир гол урди ва учрашувнинг энг яхши ўйинчиси деб топилди.
«Жуда муҳим ғалаба. Мағлубиятлардан кейин ғолиб чиқиш доимо аҳамиятли. Агар ўйинни умумий олганда баҳоласак, мен хурсандман. Футболда ишонч жуда муҳим, уни фақат бир йўл билан — ғалабалар орқали қўлга киритиш мумкин. Бизда кўп жароҳатлар бор, аммо бу футбол — ҳар сафар майдонга бир хил 11 нафар ўйинчи чиқолмайди.
Агар тўғри йўлда ҳаракат қилсам, голлар ва самарали узатмалар билан муаммо бўлмайди. Ҳозир мен жамоадошларим билан ўзаро тушунишдан жуда мамнунман», — дея Рэшфорднинг сўзларини келтирган Barca Universal нашри.
Эслатиб ўтамиз, 28 ёшли англиялик ҳужумчи «Барселона»га «Манчестер Юнайтед» клубидан ижара асосида келган.
