«Барселона» бош мураббийи Ханс-Дитер Флик «Эльче» устидан 3:1 ҳисобида қозонилган ғалабадан сўнг ўз фикрларини билдирди.
«Энг муҳими — биз ғалаба қозондик ва уч очко тўпладик. Бизда кўп голли вазиятлар бўлди, шунинг учун бу натижага тўлиқ ҳақлимиз. Рақиб тўпни ўз дарвозаси яқинидан қисқа узатмалар орқали ўйинни бошлашни ёқтирадиган жамоа, ва биз прессингда ўзимизни жуда яхши кўрсатдик.
Тўпни назорат қилиш жиҳатидан ҳали ишлашимиз керак, лекин ғалаба қўлга киритилди — мен натижадан мамнунман», — деди немис мутахассиси ўйиндан сўнг журналистлар билан суҳбатда.
«Кўк-анорранглилар» сафидаги голлар Ламин Ямал, Ферран Торрес ва Маркус Рэшфорд ҳиссасига ёзилди.
