«Манчестер Сити» бош мураббийи Хосеп Гвардиола Лондоннинг «Арсенал» клуби ҳимоясидаги сўнгги ажойиб натижалар ҳақида ўз муносабатини билдирди.
Микель Артета бошқараётган жамоа кетма-кет етти ўйинда гол ўтказмаган ва уларнинг барчасида ғалаба қозонган. Лондонликлар 10 турдан сўнг 25 очко тўплаб, Премьер-лига жадвалида 18:3 гол фарқи билан пешқадамлик қилмоқда.
“Арсенал”нинг ҳимояси ҳақида нима дейман? Умид қиламанки, бир куни улар яна гол ўтказади», — деди Гвардиола «Борнмут»га қарши 3:1 ҳисобидаги ғалабадан сўнг бўлиб ўтган матбуот анжуманида.
Эслатиб ўтамиз, бу ғалабадан сўнг «Манчестер Сити» жадвалда иккинчи ўринга кўтарилди, аммо «канонирлар»дан 6 очко орқада қолмоқда.
