«Барселона» бош мураббийи Ханс-Дитер Флик «Эльче»га қарши 3:1 ҳисобидаги ғалабадан сўнг Ламин Ямалнинг соғлиги ҳақида маълумот берди.
18 ёшли вингер якшанба куни бўлиб ўтган учрашувда «кўк-анорранглилар»нинг биринчи голига муаллифлик қилди.
«Ламин жуда интизомли ўйинчи, ҳолати барқарор, аммо унинг муаммоси ҳали бутунлай йўқолгани йўқ — даволанишни давом эттириш керак. У шифокорлар кўрсатмаларига тўлиқ амал қилмоқда. Аммо, афсуски, ҳали ҳам озгина ноқулайлик ҳис қиляпти, шуни инкор этиб бўлмайди», — деди Флик ўйиндан сўнгги интервьюсида.
Эслатиб ўтамиз, Ламин Ямаль сўнгги ҳафталарда сон суяги соҳасида оғриқ ҳис қилмоқда, шунинг учун у ҳозирча жарроҳлик амалиётидан воз кечган.
