«Рома» ҳужумчиси Пауло Дибала илк бор жамоа сафида пенальтини амалга ошира олмади.
82-дақиқада аргентиналик форварднинг зарбасини «Милан» дарвозабони Майк Меньян қайтарди.
Натижада римликлар А Серия баҳсида 0:1 ҳисобида мағлубиятга учради, Дибала эса пенальти пайтида жароҳат олиб, 84-дақиқада майдонни тарк этди.
Шу вақтгача у «Рома» сафида барча мусобақалардаги сўнгги 18та пенальтини аниқ амалга оширган эди. Охирги марта Дибала 2021 йил 30 ноябрда «Ювентус» сафида «Салернитана»га қарши ўйинда (2:0) пенальтини уролмаган эди.













