"Манчестер Сити" ҳужумчиси Эрлинг Холанд Райан Шерки ҳақида гапирди.
Якшанба куни норвегиялик футболчи "Борнмут"га қарши Премьер-лига ўйинида икки марта гол урди, 22 ёшли француз иккала ҳолатда ҳам голли узатмани амалга оширди.
Ўйин "Сити"нинг 3:1 ҳисобидаги ғалабаси билан якунланди.
"Биз ҳаммамиз Шеркининг қандай хусусиятлари борлигини биламиз, шунинг учун биз ундан максимал даражада фойдаланишга ҳаракат қилмоқдамиз.
У бугун менга иккита ажойиб голли узатма берди. Умид қиламанки, у келажакда менга яна кўп голли узатмалар беради", деди Холанд.
