“Бавария”нинг етакчи футболчиси Альфонсо Дэвис халқаро танаффусдан сўнг тўлиқ машғулотларга қайтиши мумкин.

Бу ҳақда журналист Максимилиан Кох хабар берди.

Канадалик чап қанот ҳимоячиси ўзининг хочсимон боғлами йиртилганидан кейин тикланиш режасига кўра, навбатдаги халқаро танаффусдан сўнг жамоа билан машғулотларга қайтиши кутилмоқда.

У 22 ноябрь куни "Фрайбург"га қарши уй ўйинида расмий ўйинда майдонга қайтиши кутилмоқда.

24 ёшли ҳимоячи КОНКАКАФ Миллатлар лигаси учинчи ўрин учун АҚШга қарши ўйинда (2:1) жароҳат олди. Текширувдан сўнг, канадалик ҳимоячининг хоч-мушак боғлами йиртилгани аниқланди.

Эслатиб ўтамиз, футболчи март ойида "Бавария" билан янги узоқ муддатли шартнома имзолаган эди.