«Тоттенхэм»нинг бразилиялик ҳужумчиси Ришарлисон жамоани тарк этишга тайёр. Бу ҳақда журналист Экрем Конур хабар берди.

Манба маълумотларига кўра, 28 ёшли футболчига мос таклиф бўлса, у қишки трансфер ойнасида жамоасини ўзгартириши мумкин. Энг жиддий қизиқишни унинг ватанидаги «Фламенго» клуби билдирмоқда. Шунингдек, «Эвертон», «Орландо Сити» ва бир нечта Саудия клублари ҳам Ришарлисон билан шартнома тузиш ниятида.

Ришарлисон 2022 йилда «Тоттенхэм» таркибига қўшилган эди. Жорий мавсумда у барча мусобақаларда 16 та ўйинда 3 та гол урди ва 2 та ассист қайд этди.

Transfermarkt маълумотларига кўра, ҳужумчининг бозор қиймати 25 миллион еврони ташкил қилади.