«Борнмут» ҳужумчиси Дэвид Брукс «Манчестер Сити» форварди Эрлинг Холанднинг ўйинини юқори баҳолади.

«Очиги, унинг бўйи 1,95 метр, у жуда тез, жисмонан кучли ва ҳаводаги ўйинда ажойиб. Фантастик футболчи. Ўйиннинг катта қисмида биз яхши ҳаракат қилдик, лекин у тўп қаерга тушмасин, доим жиддий хавф туғдиради. Уни тўхтатиш деярли имконсиз эди», — дея Брукснинг сўзларини келтирган ESPN.

25 ёшли норвегиялик ҳужумчи «Борнмут»га қарши АПЛнинг 10-туридаги баҳсда (3:1) икки бор рақиб дарвозасини ишғол этди.

Жорий мавсумда Холанд 13 ўйинда 17 та гол ва 1 та голли узатма қайд этган. У 13 та гол билан Премьер-лига тўпурарлар рўйхатида етакчилик қилмоқда.