2019 йилда футболчилик фаолиятини якунлаган Нидерландиянинг собиқ юлдуз футболчиси Робин ван Перси ҳозирда Роттердамнинг «Фейеноорд» клубида мураббий сифатида фаолият олиб бормоқда.
Унинг айтишича, муваффақиятли мураббийлик йўлига илҳом берган нарса жуда кутилмаган ҳолат бўлган.
«Футболни тарк этганингда, гўё бир бўлагинг ўлади. Лекин мен нима хоҳлаётганимни қизим билан кичик бир баҳсдан кейин англадим. У менга: “Нега футбол мактабига қайтиб, мураббий сифатида ҳаммасини бошидан бошламайсиз?” деди. Шу гап менга катта туртки бўлди», — дея Ван Персининг сўзларини келтирган The Guardian.
Ҳозирда собиқ терма жамоа аъзоси 42 ёшда, ва у «Фейеноорд»да ёшлар билан ишлашда катта салоҳият намоён этмоқда.
