"Манчестер Сити" форварди Эрлинг Холанд Англия чемпионатининг 10-туридан ўрин олган "Борнмут"га (3:1) қарши баҳсда дубль қайд этди. Ушбу беллашувдан сўнг норвегиялик футболчи навбатдаги муваффақиятини қайд этди.
"Шаҳарликлар" ҳужумчиси Англия Премьер-лигаси мавсумининг дастлабки 10 ўйинида 13 та гол урди - бу тарихдаги иккинчи энг яхши натижадир.
Рекордчи Холанднинг ўзи бўлиб, у 2022/23 йилги мавсумда 15 та гол урган. 13 та гол билан Эрлинг 1995/96 йилги мавсумда "Ньюкасл" сафида худди шунча гол урган Лес Фердинанднинг кўрсаткичини такрорлади.
Эътиборлиси, кейинги ўринда ҳам Холанднинг ўзи бормоқда, у 2023/24 ва 2024/25 йилги мавсумларда 10 та ўйинда 11 тадан гол урган.
