32 ёшли ярим ҳимоячи Алекс Окслейд-Чемберлен айни дамда собиқ жамоаси - Лондоннинг "Арсенал" клуби тизимида шуғулланмоқда. Бу ҳақда Sky Sports хабар бермоқда. У асосан клубнинг 21 ёшгача бўлган ёшлар жамоасида ишлайди.
Эслатиб ўтамиз, Окслейд-Чемберлен ўтган ёзда Истанбулнинг "Бешиктош" клубини тарк этган, ҳозирда у эркин агент ҳисобланади. Футболчи фаолиятини якунлаганини эълон қилмаган.
Окслейд-Чемберлен "Саутгемптон" академияси тарбияланувчиси ҳисобланади, аввалроқ англиялик футболчи 2011-2017 йилларда "Арсенал"да ўйнаган. У "канонирлар" сафида барча турнирларда 130 дан ортиқ ўйин ўтказган. 2017 йилдан 2023 йилгача "Ливерпуль"да, 2023 йилдан 2025 йилгача "Бешиктош"да ўйнаган.
