Руминиянинг "Сэнэтатя Клуж" клуби президенти ўз жамоасининг "Университатя Крайова"га қарши ўйинида майдонга тушди. Бу Руминия кубоги ўйинида юз берди, бироқ, Аурелиан Гиса жамоаси 4:1 ҳисобида мағлуб бўлди.
Президент охирги дақиқаларда хотираларни эслаб, майдонга тушишга қарор қилди - 61 ёшида у Руминия профессионал футболида рекорд ўрнатди. Жаҳон миқёсида бу рекорд уругвайлик Роберто Кармонага тегишли бўлиб, у 63 ёшда ўйнаган.
Қайд этиш жоизки, Гиса аввалроқ майдонга тушишни ёқтирган, аммо охирги марта у буни 2011 йилда Руминия кубоги доирасидаги "Стяуа"га қарши ўйинда ҳам қилган эди.
