“Реал” ўнг қанот ҳимоячиси Трент Александр-Арнольд катта эҳтимол билан эртанги "Ливерпуль"га қарши учрашувда жамоасига ёрдам бера олмайди.
Клубдан маълум қилишларича, англиялик футболчи ҳали ҳам индивидуал дастур асосида машқ қилмоқда ва тўлиқ спорт формасига қайтмаган.
27 ёшли инглиз ҳимоячиси собиқ клубига қарши баҳс учун қайдномага киритилган бўлса-да, у ҳозирча ўйинга тайёр эмас.
Мураббийлар штаби Трентнинг тикланиш жараёнини яқиндан кузатмоқда ва унинг қайтиши бўйича қарор кейинроқ қабул қилинади.
Эслатма. Чемпионлар Лигаси умумий босқичидан ўрин олган "Ливерпуль" - "Реал" учрашуви сешанба куни тунги соат 01:00 да старт олади.
