«Сандерленд» ярим ҳимоячиси Гранит Жака «Арсенал»га қарши баҳс олдидан фикр билдирди.

Унинг сўзларига кўра, бу ўйин унинг шахсий фаолиятида алоҳида аҳамият касб этади:

«Мен учун бу жуда ҳиссий ўйин бўлади. Мен “Арсенал”да етти йил ажойиб давр ўтказдим, ҳали ҳам кўплаб футболчилар ва мураббийлар билан алоқадаман. Уларга қарши “Сандерленд”да майдонга тушиш — бу мен учун ҳақиқий эҳтиросга тўла лаҳза», — дея Жака Sky Sportsга берган интервьюсида таъкидлади.

Эслатиб ўтамиз, «Сандерленд» Англия Премьер-лигаси жадвалида 10 турдан сўнг 18 очко билан тўртинчи ўринда, ҳозирда етакчиликни 25 очко билан “Арсенал” сақлаб турибди.

Ушбу учрашув 8 ноябрь, шанба куни, 11-тур доирасида бўлиб ўтади.