Мадриднинг "Реал" клуби собиқ бош мураббийи Карло Анчелотти яқинда бўлиб ўтган Винисиус Жуниор билан боғлиқ можарога муносабат билдирди.

Бразилиялик вингер "Барселона"га қарши ўйинда захирага олинганидан кейин очиқчасига норозилик билдириб, жамоа бош мураббийи Хаби Алонсога эътироз билдирди. Кўп ўтмай, матбуотда футболчининг мураббий билан муносабатлари ёмонлашгани ҳақида миш-мишлар тарқалди, шунингдек, юлдузнинг клубни тарк этиши ҳақида янги гап-сўзлар пайдо бўлди.

"Мен Вини билан унинг "класико"даги захирага олинганига муносабати ҳақида гаплашдим. У хатога йўл қўйди ва буни унга очиқ айтди деб ўйлайман. У ўзининг ноҳақлигини аллақачон тушуниб етган, узр сўраган, энди муаммо ҳал бўлди, деб ўйлайман," - деди матбуот анжуманида Бразилия терма жамоасини бошқараётган Анчелотти.

Эслатиб ўтамиз, италиялик мутахассис жорий йилнинг май ойи охирида "Реал"ни тарк этган эди.