"Лестер" чап қанот вингери Жереми Монга Премьер-лига грандлари назарига тушди.
Football Insider хабарига кўра, "Манчестер Сити" ва "Манчестер Юнайтед" келаси ёзда 16 ёшли англиялик иқтидорни ўз сафига қўшиб олишга жиддий ҳаракат қилади.
"Шаҳарликлар" шу йилнинг апрелида Монга бўйича музокаралар ўтказиб кўрган эди. Аммо ўшанда уларга рад жавоби берилган.
Монганинг ҳозирча "тулкилар" билан профессионал шартномаси йўқ. У transfermarkt порталида 8 миллион еврога баҳоланмоқда.
Монга бу мавсумда 12 та ўйинда 1 тадан гол ва ассист муаллифи бўлган.













