Мадриднинг "Реал" клуби бош мураббийи Хаби Алонсо Чемпионлар лигаси ўйини олдидан "Ливерпуль"нинг янги аъзоси Флориан Вирц ҳақида фикр билдирди.
"Ишончим комилки, у муваффақиятга эришади, бунга шубҳам йўқ. Бу унинг учун катта қадам, чунки у бутун умр Германияда ўйнаган ва энди мослашиши керак. У жуда рақобатбардош ва бу унинг бу ерда бўлишининг сабабларидан биридир. Унинг ўз даражасини кўрсатишини сабрсизлик билан кутяпман", - деди Алонсо.
Эслатиб ўтамиз, "Ливерпуль" - "Реал" учрашуви 4 ноябрь куни "Энфилд" стадионида бўлиб ўтади.
