Ортопедик жарроҳлик ва траматология бўйича мутахассис доктор Риполи "Барселона" юлдузи Ламин Ямал, "Атлетик Бильбао" вингери Нико Уильямс ва "Реал"нинг ёш футболчиси Франко Мастантуоно олган жароҳат ҳақида фикр билдирди.
«Ла Лигадаги ёш футболчилар бир хил ноқулай жароҳат — чов соҳасида (пубалгия) ноқулайликдан азият чека бошлашди
Бу жароҳат, асосан, тезликка таянадиган, портловчи ҳаракатларга эга футболчиларда кузатилади. Айримлар бу ҳолатни эрта жисмоний зўриқиш ва тез ўсиш билан боғлашади.
Ечим — мунтазам профилактика, етарлича дам олиш ва мушаклар мувозанатини тўғри сақлашдадир», - деди доктор.
