Собиқ футболчи Гари Невилл "Манчестер Юнайтед" форварди Беньямин Шешконинг жорий мавсумдаги ўйинларига баҳо берди.

"Шешко бесўнақай кўринади. У бир неча марта дарвозани мўлжалга ола олмади. Ҳа, у ҳали ҳам ёш футболчи ва ҳали ҳам мослашмоқда, аммо 80 миллион фунт сарфлаган ўйинчингиздан кўпроқ нарсани хоҳлайсиз," - дея Невиллнинг сўзларини келтиради Daily Mail.

Мутахассиснинг фикрича, словениялик ҳужумчи манкунианликларнинг бошқа икки ҳужумчиси - Браян Мбеумо ва Матеус Куньянинг даражасидан анча узоқ.

Шешко ёзда "РБ Лейпциг"дан "қизил иблислар" сафига қўшилди. У "Манчестер Юнайтед" сафида 11 та ўйинда майдонга тушиб, 2 та гол ва 1 та голли узатмани ўз ҳисобига ёздириб қўйган.