Жейми Каррагер "Ливерпуль"нинг ёзги трансферлар ойнасидаги харажатлари ҳақида гапирди.
Ўтган ёзда мерсисайдликлар трансферлар учун 482,9 миллион евро сарфлаган эди. Флориан Вирц 116 млн фунт ва Александр Исак 125 млн фунт эвазига АПЛ тарихидаги энг қимматбаҳо харидларни амалга оширди.
"Яқинда "Ливерпуль" Премьер-лиганинг "Галактикос"ига айланганини айтгандим. Уларнинг хатти-ҳаракатлари тобора Флорентино Перес давридаги "Реал"ни, энг яхши даврлардаги "Барселона"ни, Фергюсон ҳар қандай футболчини сотиб олишга қодир бўлган "Манчестер Юнайтед"ни ёки ҳозирги "Манчестер Сити"ни эслатмоқда," - деди "Ливерпуль"нинг собиқ футболчиси.
